Ordaindu aztertzen dabil Mondragoneko Kongresuan aldarrikapena egitea

Mondraberri, 2013ko abenduak 6, ostirala

Kaltetu ugarik kalera atera ziren atzokoan ere, beraiei dagokiena aldarrikatuz. Hotzari aurre egiteko gaztainak banatu zituzten. Mobilizazioak eta bilerak iragarri zituzten.



Ordaindu plataformako kaltetu ugarik ez zuten hutsik egin osteguneroko zitari. Hotzari aurre egiteko, gaztainak banatu zituzten euren artean, iragarria zuten bezala.
Ordainduko lagunek iragarri zuen Biteriko kontzentrazioak egiten jarraituko dutela, ostegunero legez, gutxienez gabonak arte.
Plataformako kideek ez dute baztertzen beste era bateko protestak egitea. Edonola ere, “astero kalera aterako gara” ziurtatu dute.
Aldi berean, Ordaindu aztertzen dabil ea Mondragon Kongresuan eskaera bat egitea posible duen edo ez.
Mondragon Korporazioko lehendakariak, Txema Gisasolak, bide hori proposatu zien azaroaren 27ko bileran.



Bide horretan, Ordainduk bilera egingo du astelehen honetan Fagor Electrodomesticoseko Errektore Kontseiluarekin. Gauza bera egingo du Fagor Taldeko lehendakariarekin datorren astean ere.
Kontsumobide erakundearekin ere batzartuko da. Kontsumobide (Kontsumoko Euskal Institutua) iaz sortu zen, eta Gasteizko Gobernuko erakunde bat izan arren, bere burua autonomo eta independentetzat du. Kontsumitzaileen eta erabiltzaileen eskubideak defendatzeko sortu zen.
Bileran plataformaren ordezkariek azalduko diote, lehen eskutik, zein den kaltetuen kinka, eta arazoa konpontzeko laguntza eskatuko diote.

Sigue leyendo

Ordainduk bilkura-gaztainjana egingo du ostegunean Biterin

Mondraberri,  2013ko abenduak 3, asteartea

Ostegunero legez, plataformak kalean exijituko du fondo bat sortzea, hain justu, ehunka kaltetuek dagokiena berreskura dezaten. Instituzionalki, bilerak egingo ditu Kontseilu Errektoreaz, Fagor Taldeaz eta Kontsumobiderekin. Ordaindurekin harremanetan jartzeko, ordaindu123@gmail.com helbidera idatzi. Elkarte eratu nahi da, “amankomunean, solidarioki eta kooperatiboki lan egiten ikasteko era bat” izango delarik.

Ostegunero legez, Ordainduko kaltetuek kontzentrazioa egingo dute Biteri plazan, ostegun honetan, arratsaldeko 18:00etatik 19:00etara.

“Gure asmoa da – baieztatu du Ordainduko ordezkari Mikel Olabek – presionatzen jarraitzea bai Fagor Electrodomesticoseko zuzendaritza, baita MCC ere, fondo bat sor dezaten, guri bueltatzeko kooperatibari eman genizkion produktuak, aurrezle bezala”.

Ostegun honetan ere hotz egingo duenez, kontzentrazioa egingo dutenek gaztainak jango dituzte. “Ekitaldi hau erabat zabalik dago kaltetu guztiei”.

Hortaz gain, Ordaindu kontaktuan jarriko da, hurrengo egunetan, Fagor Electrodomesticoseko Kontseilu Errektoreko lehendakariarekin, Fagor Taldeko Kontseilu Orokorreko lehendakariarekin eta Kontsumobiderekin.

Ordaindurekin harremanetan jarri nahi baduzu, ordaindu123@gmail.com helbide elektronikora idatz daiteke. Mezuan jar dezakezu telefono zenbakia, izen-abizenak, zure helbide elektronikoa edo zure inguruko batena.

Ordainduk pausoak eman nahi ditu elkartea legalizatzeko, “gure dirua lortze aldera borrokatzeko eta soluziobide bat emateko kalean geratu den jendearen egoera dramatikoari. Noski beraien arazoarekiko sentiberak gara”.

“Lan egiteak Elkarte batean lagunduko gaitu gure eskaerak lortzen, baina ikuspuntu orokorrago batean, amankomunean, solidarioki eta kooperatiboki lan egiten ikasteko era bat da. Arazo guztiek izan dezakete euren alde positiboa, eta hau bat izan daiteke, enpatia sentitzen ikasteak bizitzarako baliagarria da”.

Sigue leyendo