Protestekin jarraituko du Ordainduk oraingo eguenean

goiena 2015-09-29  

Manifestazio zein kale agerraldiak areagotu nahi dituzte Ordaindutik datozen hilabeteetan. Eguenean manifestazioa egingo dute (18:30ean, Biterin hasita) eta datorren astean Legazpira ere joango dira. 

Eguenean, urriaren lehena, manifestazioa egingo dute Arrasate erdialdetik. 18:30ean hasiko da protesta Biteri plazan, astero egiten duten bezala. Ohiko agerraldiarekin batera, urriaren 8an Legazpin ere egingo dute manifestazioa eta autobusa ere antolatu dute, nahi dutenak joan daitezen. 17:30ean irtengo da Biteritik eta Elorregin eta Oñatin ere geldialdiak egingo ditu. Ordaindutik azaldu dutenez, protesten bitartez indarra egiten jarraituko dutela erakutsi gura dute. Hala jarraituko dute datozen hilabeteetan.